þreytt og pirruð

Jæja þá ákvað ég að prufa bloggeríið aftur.
Bara datt það í hug þegar ég kom heim í hrikalega þreyttu og pirruðu skapi að það væri gott að auða sessu skap eitthvert, og í stað fyrir að láta það bitna á börnunum þá er betra að láta það fjúka hingað inn.
NEI ég ætla ekki bara að skrifa þegar ég kem heim í brjáluðu skapi líka þegar ég er í góðu skapi:)
Þetta er bara búið að vera þreyttur dagur og bara vika, eldri daman búin að vera lasin og hin hefur ekki sofið mjög vel um nætur og kallinn tuðar yfir því en það er nú ég sé sé um þetta. Er það ekki líka bara oft þannig að við konurnar sinnum þessum krílum þegar þeim líður illa eða eiga svefnlausar nætur.

En svo bara vinnudagurinn leiðinlegur og ég þreytt, svo segir maður ekki nei við yfirmanninn þegar hann kemur svona voða sætur að biður mig um að læsa þegar ég fer heim, það er sosum ekkert mál að gera það nema ég þarf svo að labba hring í kringum húsið til að komast að bílnum og það er HÁLKA úti en ég dröslaðist þetta komin 6 mánuði á leið með yngra barnið á handlegnum og hitt hangandi í mér til að detta ekki.
En ég komst alla leið án þess að detta á hausinn, svo var brunað heim. Þá beið þvottur o dót um allt hús og mjólkin enn á borðinu. Úff hvað þarf ekki alltaf mikið til að manni langi bara til að setjast á mitt eldhúsgólfið og fara að gráta:( En það þíðir ekkert það þarf að gefa smá að borða áður en teiknimyndirnar byrja og setja í þvottavél svo allir hafi hrein föt.

Svo er það auðvita kvöldmatur handa liðinu ganga frá koma í rúmið og laga AFTUR til í stofunni. Ég held stundum að eg sér einstæð móðir því ég er heppinn ef kallinn minn er einhvertímann heima og ef það gerist þá er það sjónvarpið og í rúmið. Man varla hvenær við fórum síðast að SOFA á sama tíma því ég hef alltaf nóg að gera og tuð líklega of mikið líka:S
En þannig er það bara svo oft.

En nú nenni ég ekki að tuða meira læt þetta duga og vona nú að ég komi með góða skapið hingað næst.